Berriak

Gipuzkoako Eskola Kirol Egokituaren sarean, beste urrats bat eman dugu. Azkoitia eta Azpeitiako Udalek, Gipuzkoako Foru Aldundiarekin, Gipuzkoako Kirol Egokituen Federazioarekin eta Marea Urdinarekin, bailaran desgaitasuna duten haur eta gazteentzako kirol aukera egokituak eta inklusiboak sortzeko elkarlanean gabiltza. Eskola kirola egiteko eskubidea pertsona guztiek izan behar dutelako!

Ekimenaren informazio gehiago, Maxixatzen: https://maxixatzen.eus/azkoitia/1619532901904-anistazun-funtzionala-duten-haur-eta-gazteen-kirolerako-eskubidea-bermatzeko-lantaldea-aurkeztu-dute



Asteburu osoan zehar, Espainiako gurpil-aulkiko eskrimako Txapelketa eginda Donostiako Pio Baroja kiroldegian. Txapelketako 3. proba eta azkena jokatu da atzo eta gaur artean. Guztira, hamar kirolarik parte hartu dute, eta horietatik lau gipuzkoarrak izan dira, Fortuna kirol elkartekoak.

Taldekako proban garaile izan dira, gainera, Fortuna elkarteko gipuzkoarrak. Taldea, Alex Priorrek, Ayem Oskozek, Manu Quesadak eta Ramon Gonzalezek osatzen dute, Igor Otaeguiren gidaritzapean.

Txapelketako proba guztiak kontuan hartuta emaitzak hurrengoak izan dira:

ESPAINIAKO TXAPELKETA 2021:

Sable kategorian:

3. sailkatua: Iago Fernandez Garrido
2. sailkatua: Antonio Garrido Rodriguez
1. sailkatua, txapelduna: Alex Prior Majon

Ezpata kategorian:

3. sailkatua: Begoña Garrido De La Peña
2. sailkatua: Alex Prior Majon
1. sailkatua, txapelduna: Iago Fernandez Garrido

Florete kategorian:

3. sailkatua: Begoña Garrido De La Peña
2. sailkatua: Alex Prior Majon
1. sailkatua, txapelduna: Iago Fernandez Garrido

Zorionak gipuzkoar guztiei lortutako emaitzengatik eta beste kirolarie ere egindako lanagatik!



Espainiako gurpil-aulkiko eskrima Txapelketako 3. proba eta azkenekoa egingo da datorren larunbatean eta igandean, apirilak 24-25 Donostiako Pio Baroja kiroldegian.
Azken proba honetan hamar kirolarik parte hartuko dute:
Ana Begoña Garrido de la Peña
Antonio José Garrido Rodríguez
Ramón González Alonso
Gustavo Molina Martínez
Ayem Oskoz Urrutikoetxea
Alexander Prior Majón
Manuel Quesada Morillas
Miguel Ángel Sabalaga Rivera
Judith Maria Rodriguez Menendez
Iago Fernandez Garrido

Espainiako txapelketako lehenengo proba otsailaren 28an egin zen Ciudad Real-en, eta bigarrena, martxoaren 27an Valladoliden. 
Orain arteko probak batuz, estatuko rankinean Fortuna elkarteko Alex Prior dago lehen postua hiru modalitateetan (sable, ezpata eta florete).
Txapelketa honetan lau gipuzkoarrrek parte hartuko dute, zorte on denei!


Laguntza behar handia duten kirolarientzako beste prestakuntza bat prestatu du Relevo Paralimpicok datozen apirilaren 16, 17, 28 eta 30ean.
Mintegi hau igeriketako teknikarientzat eta ezgaitasunaren munduko pertsonentzat zuzendua dago eta oro har gehiago jakin nahi duen pertsonentzat.


Fvda Kirol Egokituaren Euskal Federazioarekin, Gipuzkoako Kirol Egokituaren Federazioarekin eta FEDPC, FEDDF, FESA eta Emen4sportekin elkarlanean egindako mintegia izango da hau.
Prestakuntza honen helburu nagusia da teknikariei tresnak ezberdinak eskaintzea.


Datorren apirilaren 17an, Gipuzkoako Kirol Egokituen Federazioak Izarraitz igeriketa elkartearekin batera antolatuta, Gipuzkoako Igeriketa Egokituko Txapelketa egingo da Azpeitiko udal igerilekuan. Covid-19a dela eta, segurtasun neurri zorrotzak jarraituko dira lehiaketa egin ahal izateko. Edizio honetan, eskertzekoa da Azpeitiko Udalaren, Izarraitz Igeriketa elkartearen, Zubiaurre kirol elkartearen eta Marea Urdina entitatearen laguntza, hasieratik txapelketa egiteko azaldu dute prestutasunagatik!



Marea Urdinak eta Gipuzkoako Kirol Egokituen Federazioak antolatuta, datorren asteburuan (martxoak 27-28) 'Igeriketa eta uretako jarduera egokituak' ikastaroa eskainiko da Azpeitiko Bagera aretoan. Ikastaroaren helburuak hurrengoak izan dira:

-Behar bereziak dituzten pertsonak igeriketako ikastaroetan barne hartzeko baliabideak ematea.
-Desgaitasunaren berezitasunak ezagutzea.
-Pertsona bakoitzaren egoeretara egokitzeko gaitasunak izatea.

Izena emateko helbidea: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.



Jolasgaraietan egindako praktika inklusibo onen eta eskola adineko kirolari buruzko Nazioarteko I. Kongresua antolatu du Murtziako Unibertsitateko Lokomozio aparatua eta Kirola Ikerketa Taldeak apirilaren 16 eta 17rako. RafaPuede Fundazioaren eta Entramados Kabinete Psikopedagogikoaren (Oviedo) babesa du kongresuak, horiek izan baitira patio eta parke dinamikoen sorlekua.

Alicia Figueroak, Gipuzkoako Kirol Egokituaren Federazioko zuzendari teknikoak, kongresuan parte hartuko du 'Eskola adinean dauden kirol egokitu eta inklusiborako aukerak sortzen' hitzaldiarekin.

Patioa, jolas eta balio gunea” leloarekin, kongresu honen erronka da Espainian hezkuntza-inklusioaren gaiaren egoera ezagutaraztea. Bereziki jolas, gorputz hezkuntza eta eskola adineko kirolaren inguruan.

Azken finean, gaur egungo hezkuntza-sistema indartzeko eta hura osatzen duten hezkuntza-komunitate guztien onurarako oso gai garrantzitsuak landuko dira, eta, horrez gain, haurren jolaserako eta kirolerako diseinu unibertsalaren eraikuntza sustatzeko antolakuntza- eta praktika-proposamen ugari aurkeztuko dira.

Inklusioaren, jokoaren eta kirolaren arloetako profesional ugari elkartuko dira nazioarteko topaketa honetan, guztientzako eskola sustatu nahi duten familiei, profesionalei eta hezkuntza-administrazioari laguntzeko.

Kongresua Murtziatik egingo da online formatuan 2021eko apirilaren 16 eta 17an. Streaming bidez egindako jardueren bidez, jolastokiko jolasaren eta kirolaren ingurune naturalek haur guztientzat dituzten hezkuntza-aukera inklusiboetan oinarritzen da.

Kongresuari buruzko informazio gehiago: www.playgroundsforinclusion.com



Datorren larunbatean, martxoak 6, hasiko da Gipuzkoako XI. Euskal Pilota Egokituko Txapelketa. Gaur egin da txapelketaren aurkezpena Errenteriako Agustina Otaola frontoian. Gipuzkoako Kirol Egokituen Federazioak eta Gipuzkoako Euskal Pilota Federazioak antolatutako txapelketa honetan, Gipuzkoako Foru Aldundiaren laguntzarekin, bi modalitate egongo dira: batetik, adimen urritasuna duten kirolariena, eta bestalde, urritasun fisikoa duten kirolariena.

Hurrengo hilabeteetan Gipuzkoako hainbat herritan jokatuko dira partidak: Errenteria, Asteasu, Zumaia, Mutriku, Alkiza, Idiazabal, Usurbil, Ataun eta Lasarte-Oria. Txapelketaren finala, berriz, ekainaren 26an egingo da Zumaian. Bi federazioetatik eskerrak eman dizkie udal ordezkari guztiei euren frontoien ateak zabaltzeagatik. Desgaitasuna duten kirolarien gizarteratzea denon ardura dela gogorarazi nahi izan dute antolatzaileek eta bide hori elkarrekin egiteko deia luzatu dute.

Txapelketa honetan parte hartuko duten kirol elkarteak hurrengoak izango dira: Pagazpe, Mindara, Ostadar eta Zumaia. Kirolarik gogoz ekingo diote txapelketari, izan ere, hilabete asko pasa dira lehian aritzeko aukerarik gabe.



Gurpildun aulkiko eskrimako Espainiako Txapelketako lehen proba egin zen pasa den asteburuan, Valladoliden. Emaitza bikainak lortu zituzten Fortuna elkarteko kirolariek Igor Otaegi entrenatzailearen gidaritzapean. Hemen dituzue asteburuan lortu dituzten emaitzak:
? Alexander Prior
Urrea hiru modalitateetan:?Ezpata/Espada ?Florete ?Sable
? Manu Quesadak brontzea ?Sable modalitatean
? CD Fortuna KE Txapeldunordeak ?Ezpata elkarteen proban
ZORIONAK!


Igeriketa egokituko Nazioarteko Saria pasa den asteburuan egin da, Bartzelonan. Bertan parte hartu dute Iñigo Llopis eta Nahia Zudaire igerilari gipuzkoarrek. Sekulako emaitzak lortu dituzte, izan ere, Llopisek Tokion egingo diren Paralinpiar Jokoetarako txartela eskuratu du berriz ere gutxieneko marka eginda, 100 metroko bizkar estiloan, 1:09.37 denborarekin.

Zudairek, berriz, B minima lortu zuen 400 metro librean 5:06.21 denborarekin. Ez du zuzeneko txartela lortu Tokiorako, A minima lortu behar baita, baina aukerak guztiz zabalik daude. Oraindik aukera egon daiteke horretarako!

Zorionak biei, lortutako emaitzarengatik eta egindako lanagatik!

Argazkiak: Buruntzaldea IKT / Basque Team



© 2021 GKEF-FGDA