Datorren martxoaren 13an, 2022eko futbol egokituko bigarren topaketa egingo da Irunen, San Jose Obrero futbol zelaian. 11:30ean hasiko da topaketa eta zortzi urtetik gorako desgaitasuna duten haur eta gazteei zuzenduta dago.
Topaketa hauek Gipuzkoako Futbol Federazioaren eta Gipuzkoako Kirol Egokituen Federazioko elkarlanari esker jarri dira martxan. Helburua da, denboraldi honetan Gipuzkoako eskualde ezberdinetan horrelako topaketak aurrera eramatea. Izan ere, haur eta gazte askok futbolean aritzeko nahia adierazten dute, eta orain arte, ez dute aukera hau izan.
Izen-emateak: fgf@escuelaentrenadores.com / 747426823 (Josu)
Anima zaitezte!
