Berriak

Gabonetako geldialdiaren ostean, berriro ere martxan jarri dugu estimulazio goiztiarra uretan ekintza Donostiako zenbait gunetan. Garapen alterazioak dituzten haurrei zuzendutako jarduera da eta garapen eremu guztiak lantzen dituzte profesionalekin ondo pasatzen duten bitartean. 0 eta 8 urte bitarteko haurrek parte har dezakete.

Donostiako Hegalak kirol zentroan, Intxaurrondo udal kiroldegian edota Etxadi udal kiroldegian dugu eskaintza (beheko irudian ordutegiak zehaztuta daude). Talde txikietan eta segurtasun neurri guztiak jarraitzen ditugu.

Informazio gehiago nahi izanez gero, jarri harremanetan Federazioarekin.



Hegalak Zabalik Fundazioaren eta Gipuzkoako Kirol Egokituen Federazioaren arteko elkarlanari esker, Easo Politeknikoko ikasleek Hegalak kirol zentroa gertutik ezagutzeko aukera izan dute gaur. 'Gizarte eta kirol animazioa eta irakaskuntza' goi mailako zikloko ikasleek instalakuntzari buruzko azalpenak jaso dituzte bertako adituen eskutik.

Igerilekua, gimnasioa, mediku laborategia...zentro guztitik bisita egin dute ikasleek. Bertan desgaitasuna duten pertsonek zein kirol aukera dituzten aztertu dituzte. Bisita interesgarria, izan ere, ikasleek beste errealitate bat ezagutzeko aukera izan dute.



#Prest? ekimen berria jarri du martxan Gipuzkoako Kirol Egokituen Federazioak etxean jarduera fisikoa egin ahal izateko. 6-21 urte bitarteko haur eta gazteentzako hainbat bideo prestatu ditugu Covid-19aren garai hauetan aktibo jarraitzeko. Webgunearen goiko aldean aurkituko dituzue bideoak #Prest? atalean.

Euskarazko azalpenak erdarazko azpitituluekin, modu dibertigarrian eta zeinu-hizkuntza duten bideoak osatu ditugu haur eta gazteentzat. Ondo pasa nahi duzu eta PREST zaude? Ba, ekin jarduera egiteari. MUGI ZAITEZTE!

Zure bideoa grabatu eta bidali nahi badiguzu gustora jasoko dugu hurrengo helbidean: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. ANIMA ZAITEZTE!



Finkatu zure ibilbidea ✨ izar batengana, eta edozein ekaitzari ⚡️aurre egiteko aukera izango duzu. GURE IZARRA GUZTIONTZAKO KIROLA

Gipuzkoako Kirol Egokituen Federaziotik eskerrak eman nahi dizkizugu urte zail honetan ondoan egoteagatik. URTE BERRI ON!



Pasa den asteburuan egin da Valladoliden Bocciako Espainiako Txapelketa. Bertan Dordoka elkarteko Amagoia Arrieta kirolari gipuzkoarrak urrezko domina irabazi du BC1 kategorian. Txapelketan bere ondoan izan du Dordokako entrenatzailea den Javier Camacho.

Zorionak Amagoia!



Gipuzkoako Kirol Egokituen Federaziotik duela para bat aste I. ELKARTEEN ARTEKO KIROL ERRONKEN TXAPELKETA abian jarri dugu. Helburu nagusia da, egun ditugun neurriak direla eta, jarduera fisikoa egiteko aukera desberdinak izatea eta elkarteen artean ezagutzea. Birtualki bada ere, motibazioa bultzatzeko ekimen bezala zabaldu dugu. Zazpi erronka ezberdin egongo dira eta elkarteek nahi duten erronketan parte har dezakete. Ez da derrigorrezkoa denetan parte hartzea. Hori bai, erronkak puntuagarriak dira eta sailkapen orokorra erronka bat bukatzen denean eguneratuko da.

Dagoeneko lehen erronka egina dago, EUSKAL PILOTARENA. Parte-hartze handia izan dugu eta pozgarria da benetan elkarteak erronkak egiten ikustea.

Erronkekin aurrera jarraitzeko, TXAPELKETAREN SARIA zein izango den jakinarazi nahi dizuegu, IZUGARRIA baita.

Real Sociedad Fundazioari esker, egoerak uzten duenean, VIP ESPERIENTZIA bat bizitzeko aukera izango du talde irabazleak Realaren partida batean. Nahiz eta orain ezinezko izango den Covid-19a dela eta, aurrerago egiteko aukera egongo da! Reale Arenako toki ikusgarrienean, partida bat ikusteko aukera! Sariaren argibide gehiago #erronka atalean ikusi ahal izango da!



? KIROL ERRONKEN EGUTEGIA!
Pasa den astean jarri genuen martxan I. KIROL ELKARTEEN KIROL ERRONKEN TXAPELKETA. Hemen duzue hemendik aurrera jarraituko dugun egutegia. Bertan jartzen duen egunean erronka horren bideoa zabalduko dugu eta hurrengora arte denbora izango duzue saiakera egiteko eta grabatzeko. Eskerrik asko animatzen ari zareten guztiei eta EUTSI ERRONKARI! ?
‼️ GARRANTZITSUA: Astelehenean 2. erronka zabalduko dugu, eta asteartean, TXAPELKETAREN SARIA zein izango den jakinaraziko dizuegu. ADI EGON saria izugarria da eta!


Erronkak hastera doaz ⌛️⚽️??‍♀️ Mugi gaitezen, jarduera fisikoa egiteko aukera ezinhobea! Animatu eta parte hartu ? ondo pasako dugu denon artean. Eman diezaiogu bultzada kirol egokituari! ?
ANIMATZEN ZARA? ?


Espainiako gurpil-aulkiko eskrima Txapelketako 3. proba eta azkenekoa egingo da datorren larunbatean, azaroak 28 Donostiako Pio Baroja kiroldegian.
Azken proba honetan hamar kirolarik parte hartuko dute:
Ana Begoña Garrido de la Peña (ezpata, florete eta sable)
Antonio José Garrido Rodríguez (ezpata, florete eta sable)
Ramón González Alonso (ezpata eta sable)
Gustavo Molina Martínez (ezpata, florete eta sable)
Ayem Oskoz Urrutikoetxea (ezpata eta sable)
Alexander Prior Majón (ezpata, florete eta sable)
Manuel Quesada Morillas (ezpata eta sable)
Miguel Ángel Sabalaga Rivera (ezpata, florete eta sable)
Nicolás Sainz Trapaga (ezpata, florete eta sable)
Oscar Utrilla Chaparro (ezpata eta florete)

Aurreko probetan parte hartu duen Judith Rodríguez ez da Donostiako proban izango lesionatuta baitago.

Espainiako txapelketako lehenengo proba urtarrilaren 26an egin zen Ciudad Real-en, eta bigarrena, urriaren 31n Valladoliden. 
Orain arteko probak batuz, estatuko rankinean Fortuna elkarteko Alex Prior dago lehen postua hiru modalitateetan (sable, ezpata eta florete).
Txapelketa honetan lau gipuzkoarrrek parte hartuko dute, zorte on denei!



Pasa den asteburuan egin da Andaluziako Igeriketa egokituko Txapelketa, Kadizen. Bertan parte hartu dute Espainiako igeriketa selekzioko hainbat igerilarik Paralinpiar Jokoetarako minima lortzeko helburuarekin. Minimarik ez baina Espainiako bi errekor lortu ditu Nahia Zudaire igerilarik gipuzkoarrak. Buruntzaldea IKTeko igerilariak 200 metro librean eta 400 metro librean lortu ditu errekorrak, S8 kategorian.

Bestalde, Iker Aizpuru Konporta elkarteko igerilariak ere partu hartu du txapelketa honetan. Izan ere, Espainiako etorkizuneko AXA igerilarien taldean dago gipuzkoarra eta teknifikazio saioa egiteko aprobetxatu dute txapelketa hau.

Zorionak biei, lan ederre egiten ari zarete!

Argazkiak: Nahia Zudaire / FEDDF



© 2021 GKEF-FGDA